ԵՊՀ. ինֆորմատիկայի և կիրառական Մաթեմատիկայի Ֆակուլտետ

Ով է կծել Apple-ի խնձորը?

Davit Avetisyan — Sun, 14 Mar 2010 13:17:47 +0000

1952 թվականին մաթեմատիկոս Ալան Թյուրինգը, որը ժամանակակից համակարգիչների «նախահոր» հայտնագործողն էր, կալիումի ցիանիդ ներարկեց խնձորի մեջ և ուտելով այն՝ մահացավ։ Խնձորը գտան նրա մահվան վայրում՝ աշխատանքային սեղանի վրա։ Հենց այս պատմությունը հիմք վերցնելով հետագայում Apple ընկերությունը ընտրեց իր լոգոտիպը՝ կծած խնձորը, որն այժմ աշխարհում ամենաճանաչելի լոգոտիպներից մեկն է համարվում։ Սակայն քչերին է հայտնի Ալան Թյուրինգի մահվան պատճառը։ Պարզվում է, որ ինքնասպան լինելու որոշումը Թյուրինգն ընդունեց անհաջող վիրահատությունից հետո։ Նա նույնասեռական էր։ Այն ժամանակ Մեծ Բրիտանիայում ոչ ավանդական սեռական կողմնորոշումը դեռ հոգեկան հիվանդություն էր համարվում։ 1952-ին Թյուրինգին «արվամոլության» մեջ են մեղադրում և դատարանի առաջ կանգնեցնում։ Դատարանը երկու որոշում է կայացնում և Թյուրինգին ընտրության հնարավորություն տալիս։ Նա կամ պիտի ազատազրկվեր, կամ պիտի թույլատրեր սաստել լիբիդոն էստրոգեն կանացի հորմոնի ներարկման միջոցով (դրան քիմիական ամորձատում էլ են անվանում)։ Գիտնականն ընտրում է երկրորդ տարբերակը։ Էստրոգենի ներարկումների հետևանքով նրա մոտ կորում է սեռական ցանկությունը և սկսում են կրծքեր հասունանալ։ Նա կորցնում է աշխատանքը և զրկվում է իր բնագավառում աշխատելու իրավունքից։ Ինչի հետևանքում էլ նախ սկսում է մեկուսի կյանք վարել, հետո՝ ընդունում կալիումի ցիանիդով ինքնասպան լինելու որոշում Նրա սպանության «գործիքը» այժմ կարելի է հանդիպել ցանկացած էլեկտրոնիկայի խանությում՝ նոութբուքների ու լափ թոփների վրա… Բա…

6 people like this post.

Հաջողություն, Internet Explorer 6!

Hrant — Thu, 11 Mar 2010 12:21:46 +0000

Internet Explorer 6 բրաուզերը թողարկվեց Microsoft-ի կողմից 2001 թվականին: Այն իր ժամանակի մեջ բավական հաջող բրաուզեր էր, ուներ բազմաթիվ նոր հնարավորություններ ու էապես ավելի լավն էր իր նախորդից (IE5.5): IE6-ը ներառվեց Windows XP-ի մեջ և բավական արագ լայն տարածում ստացավ աշխարհում:

Բայց դա 2001 թիվն էր: 2010-ին այդ բրաուզերի մասին լավ կլիներ խոսել որպես մի մոռացված, “պատմական նշանակության” ծրագրի մասին, որը շատերը չեն էլ տեսել: Սակայն վիճակագրությունը ցույց է տալիս, որ 2010-ի փետրվարի դրությամբ ինտերնետից օգտվողների 20%-ը օգտագործում է IE6: Սա 2րդ ցուցանիշն է բրաուզերների մեջ (վիճակագրությունը ըստ վերսիաների է. առաջին տեղում IE8-ն է): Եթե 2001ին այս բրաուզերը նպաստում էր ինտերնետի զարգացմանը, ապա վերջին տարիներին այն միայն խոչընդոտում է նոր տեխնոլոգիաների առաջացմանն ու տարածմանը: Դանդաղ աշխատանքը, ստանդարտներին անհամապատասխան վարքը, հնացած user-interface-ը, վերջապես անվտանգության հետ կապված անթիվ խնդիրները ուղղակի «փորձանք» են դարձել ինչպես IE6 օգտագործողների (որոնց մեծ մասը տեղյակ էլ չէ այս ամենի մասին), այնպես էլ վեբ-ծրագրավորողների համար (որոնք ստիպված են բուժել իրենց նյարդային համակարգը):

IE6-ից հրաժարվելու պահանջը վաղուց էր հասունացել: Արդեն մի քանի տարի է, ինչ թողարկվում են նոր բրաուզերներ (այդ թվում` Microsoft-ի կողմից), որոնք բոլոր առումներով գերազանցում են IE6-ին: 2008 թվականին բրաուզերների «շուկա» մտավ Google-ը` իր Chrome ծրագրով, ու միանգամից նոր չափանիշներ սահմանեց` արագության, հարմարավետության, անվտանգության ու նորագույն ստանդարտների կիրառության: Մրցակցությունը կտրուկ մեծացավ և իրար հետևից ի հայտ եկան ավելի ու ավելի արագագործ ու հարմարավետ բրաուզերներ` Safari 4, Firefox 3.6, Chrome 4. Microsoft-ը սկսել է IE9-ի աշխատանքները, իսկ Opera-ն արդեն շուտով կներկայացնի իր նորույթը (10.5): Սակայն այս բուռն մրցակցությունը բավարար չեղավ ինտերնետի կտրուկ զարգացում ապահովելու համար, քանի որ դեռ չեն անհետացել հինավուրց բրաուզերները, առաջին հերթին` IE6-ը:

Բազմաթիվ անհատ ծրագրավորողներ պայքար են մղում IE6-ի դեմ (ինչպես օրինակ` StopIE6.com, ie6.forteller.net), սակայն IE6 օգտագործողների թիվը շատ դանդաղ է պակասում. նրանք չեն փոխում իրենց բրաուզերը, քանի որ ամենահանրահայտ կայքերը (թեկուզ դժվարությամբ) աշխատում են իրենց բրաուզերի վրա: Իսկ ծրագրավորողները չեն դադարեցնում IE6-ի սատարումը հենց այդ 20% այցելուների պատճառով…

2010-ին վերջապես սառույցը կոտրվեց: Հունվարին Google-ը հայտարարեց, որ այս տարի աստիճանաբար դադարեցնելու է հինավուրց բրաուզերների սատարումը, առաջին հերթին իհարկե IE6-ի: Այսօր արդեն Youtube-ը իր IE6 օգտագործող այցելուներին տեղեկացնում է, որ ժամանակն է թարմացնել բրաուզերը, քանի որ մարտի 13-ից իրենք դադարեցնում են սատարումը! Հույս կա, որ այս քայլերը կնպաստեն IE6-ը գործածությունից վերջնականապես դուրս մղելուն:

Մարտի 4-ին ԱՄՆ-ի Դենվեր քաղաքում կազմակերպվեց IE6-ի հուղարկավորության արարողությունը. IE6Funeral.com: Ասում են Microsoft-ից ևս ծաղկեպսակ էին ուղարկել…

6 people like this post.

Շնորհակալագիր

Davit Avetisyan — Mon, 08 Mar 2010 15:48:54 +0000

սեղմիր նկարի վրա

5 people like this post.

Կյանքի C++

Davit Avetisyan — Sat, 06 Mar 2010 11:32:14 +0000

ծրագրավորող` Տիգրան Բայբուրցյան

8 people like this post.

Ֆիզիկայի ապուշ պատասխաններ :) (Մաս 2)

Kyurkchyan Gagik — Wed, 03 Mar 2010 17:53:11 +0000

Լույսի արագությունը հավասար է մարմնային անկյան և ժամանակամիջոցի արտադրյալին: (Լավ ենթադրենք թե <<մարմնային անկյուն>> հասկացողություն կա, բայց ախր էդ անտեր լույսի արագությունը հաստատուն ա :) )
Հավաքող հայելիներով հավաքում են աստղերի լույսը և չափում նրանց հեռավորությունը:
Լույսի ուղղագիծ տարածվելով է բացատրվում այն որ պատի ետևում կանգնած երգչի ձայնը լսվում է բայց ինքը չի երևում: (Որ նայում ես վատ օրինակ չի, կյանքից ա :) )
Պատկերը հարթ հայելու մեջ պատկերվում է այնպես ինչպես պատկերը գոյություն ունի:
Նյութի դիէլեկտրիկ թափանցելիությունը կապված է հիմնականում փորձի միջոցով: Վերցնենք մի S լույսի աղբյուր և այդ աղբյուրից բաց թողնենք լույս, մենք կտեսնենք , որ այդ փունջը անցնում է մի S1 և S2 հայելիների վրա, այդտեղից էլ իջնում է էկրանի վրա, էկրանի վրա էլ թափանցում է: Հենց այստեղից էլ դուրս է գալիս նյութի դիէլեկտրիկ թափանցումը:
Վերցնենք պղնձե արջասպի լուծույթ, և նրա միջոցով բաց թողնենք սպիտակ լույսի ճառագայթներ, կտեսնենք, որ արջասպի լուծույթի հետ ոչ մի բան չի կատարվում: Իսկ բավական է մի փոքր ուլտրամանուշակագույն ճառագայթներ բաց տողնենք, և կտեսնենք որ որ պղնձե արջասպի լուծույթից սկսում է անջատվել պղինձ, բայց ոչ թե անընդհատ, այլ բաժիններով, այսինքն քվանտներով:
Այն ճառագայթները, որոնք ունեն ուժագծեր կոչվում էն ալիքներ:
Ծանրության ուժը դա այն ուժն է, որի հետևանքով բոլոր մարմինները ընդունում են ուղղահայաց դիրք: (Գոնե ասեր հորիզոնական…)
Լույսի ճառագայթը ընկնելով հարթ հայելու վրա որոշ մասը անդրադառնում է, իսկ մյուս մասը հայելում ստեղծում է պատկերի ստվեր:
Ձայն արտադրելու հետևանքով ձայնի խոռոչների արտադրած թրթիռները դրանք հենց ալիքի երևույթներն են որոնք շարժվում են սինուսոիդով: (Էս ուզում էր ասեր տեսեք ինչքան անկապ բառ գիտեմ :) )
Ձայնային ալիքները, դրանք այն ալիքներն են որոնք տարածման հետ միաժանակ արձակում են ձայներ:
(Բռնվեք…. :) ) Ալիքները հիմնականում լինում են տարբեր տեսակի…
Դեֆորմացիաներ են համարվում զսպանակից կախված բեռը, կամուրջի վրայով քայլող զորքը: (Զգույշ եղեք հանկարծ զորքի հետ կամուրջի վրայով չքայլեք, թե չէ ձեզ դեֆորմացիա կասեն :) )
Բնության մեջ և կենցաղում կան շատ տիպի տատանումներ` ծովի ալիքները, ժամացույցի ճոճանակը, մխոցները, կափույրները` ավտոմեքենայի շարժիչներում, տղամարդիկ` անտարբեր կնոջ նկատմամբ:
Ջերմունակությունը ջերմության այն ծավալն է, որն անհրաժեշտ է տալ միավոր զանգվածով մարմնին ջերմաստիճանը 12լիտր փոխելու համար:
Մասնիկները ի պատիվ անգլիացի մեծ գիտնական Բրոունի 1905թ ից ի վեր մասնակցում են Բրոունյան շարժմանը: (Այդ շարժումը մինչ օրս էլ գործում է, մասնակցության համար կարող եք դիմել ջրածնի մոլեկուլին :) )
Հարմոնիկ են կոչվում այն տատանումները, որոնք առաջանում են հարմոն նվագելուց:
Ձիաուժ կոչվում է այն ձիու ուժը, որի բարձրությունը 1 մետր է, քաշը 75կգ և պահվում է Փարիզի մոտ գտնվող Սևր քաղաքում: (Խեղճ ձի, էսքան տարի պահում են, խեղճը հլը 1 մետր բոյ ունի, ու ընդամենը 75կգ քաշ…սկի պոնիի ածանցյալ չի…)

3 people like this post.

Պետք չէ նկարել սեղաններին

Davit Avetisyan — Wed, 24 Feb 2010 17:44:26 +0000

Այս նկարները ԻԿՄ ֆակուլտետի պատերի նկարների մի մասն են ընդամենը: Անձամբ ես մեր տան պատերին նկարում եի 4 տարեկանում, հետո ինձ բացատրեցին, որ պետք է նկարել ու գրել միայն թղթի վրա…

P.S. Ուզում եմ նշեմ, որ ֆակուլտետի սեղանները շատ լավ ու մաքուր վիճակում են և այս 2-3 տարվա ընթացքում ամբողջովին փոխարինվել են նորերով: Սիրելի ուսանողներ պետք չէ դրանք կեղտոտել ու փչացնել անտաղանդ “ստեղծագործություններով”:

5 people like this post.

ԱրմՌոբոտիքսը Երևանի Պետական Համալսարանում

Davit Avetisyan — Mon, 22 Feb 2010 13:13:12 +0000

Ինֆորմացիոն Տեխնոլոգիաների Ձեռնարկությունների Միությունը փետրվարի 25-ին 13:00-ին Երևանի Պետական Համալսարանում համալսարանի կարիերայի կենտրոնի հետ կանցկացնի Հայաստանի Ռոբոտների Բաց Առաջնության /ԱրմՌոբոտիքս/ սեմինար հանդիպում ԵՊՀ ուսանողների հետ:

3 people like this post.

Balloon Party

Davit Avetisyan — Sun, 21 Feb 2010 13:09:35 +0000

Գույնզգույն ու զանազան ՓՈՒՉԻԿՆԵՐ, ուրախ տրամադրություն, անմոռանալի օր, զվարճալի խաղեր և բազմաթիվ անակնկալներ… այս ամենը և շատ ուրիշ հետաքրքիր բաներ սպասվում է ձեզ մարտի 4-ին 16:00 Aftershock Republic-ում(Տերյան 91): Տոմսերի համար զանգահարել (098) 010305, (093) 978000

տղաների մուտքը` 2000

աղջիկների մուտքը ` 1000

7 people like this post.

“դատարկ” մառշուտկա

Jemulik — Thu, 18 Feb 2010 13:52:16 +0000

Վերջացան արձակուրդները։Կրկին վերադառնում ենք սովորական ուսանողական առօրյաին…կրկին դասեր և դրանց հետ կապված խնդիրներ…

Հենց միայն առավոտն արդեն իսկ սկսվում է մշտապես գոյություն ունեցող սուր պրոբլեմով։Ամեն առավոտ,երբ դուրս ես գալիս տանից ու գնում կանգառ,ստիպված ես լինում երկար սպասել երթուղային տաքսու,որը կհասցնի քեզ համալսարան։Սպասում ես և ստիպված տեղավորվում առաջին պատահած, առանց այդ էլ լիքը, երթուղային տաքսու մեջ։

Երբ կանգառում կանգնում է մեր կանգնեցրած երթուղային տաքսին,ուրախանում ենք…Ուրախ ենք նույնիսկ կանգնած գնալուն,միայն թե վերջում տեղ հասնենք։ Շատ հաճախ ուշանում ենք դասերից հենց տրանսպորտի պատճառով։Ստիպված ժամանակից շատ շուտ ենք դուրս գալիս տանից,որպեսզի կարողանանք հասնել համալսարան։Կարծես երկու տարբերակ գոյություն ունի միայն` կամ հասնել շատ շուտ,կամ ուշանալ։

Որքան լավ կլիներ,որ համալսարանը ունենար ավտոբուսներ,որոնք առավոտյան ուսանողներին կհասցնեին տեղ։Չէ,բնավ պարտադիր չէ,որ այդ ավտոբուսները անվճար լինեին…Միևնույն է վճարում ենք տրանսպորտի համար,իսկ դատարկ և հարմարավետ ավտոբուսների համար առավել ուրախությամբ կվճարեինք։

Համոզված եմ,որ ուսանողության ութսուն տոկոսը համամիտ կլինի իմ հետ,քանզի բոլորս էլ առնչվում ենք այս խնդրի հետ։Հուսով եմ,որ այս խնդրի իմ առաջարկած լուծումը իրականությունից հեռու անմիտ ցանկություն չէ,և որ մի օր այն կիրականանա…

11 people like this post.

Փուչիկներ:))))

Jemulik — Mon, 15 Feb 2010 15:22:52 +0000

Այսօր կիրառականում ՏՈՆ էր:
Մեր տղաները` հանձինս Դավիթի և Վահեի, որոշել էին ուրախացնել կիրառականի բոլոր աղջիկներին: Քանի որ երեկ սուրբ Վալենտինի տոնն էր, այսօր, այդ կապակցությամբ, նրանք շատ գունավոր սրտիկ փուչիկներ էին բերել ֆակուլտետ: Իրոք որ տոնական տրամադրություն էր իշխում կիրառականում: Երբ նայում էի գույնզգույն փուչիկներով կիրառականում ուրախ շրջող աղջիկներին, ուրախությունս վերածվում էր հրճվանքի:)
Ապրեք տղերք!!!

18 people like this post.