Archive for the ‘IT նորություններ’ Category

Mitsubishi և Sharp ընկերությունների գլուխգործոցը!

IT նորություններ | Հեղինակ Kyurkchyan Gagik
Oct 13 2009
Mitsubishi 155" OLED TV

Mitsubishi 155" OLED TV

Կենցաղային տեխնիկա արտադրող ճապոնական ընկերությունները ևս մեկ անգամ ցույց տվեցին, որ նրանք շարունակում են մնալ առաջատար դիսփլեյների արտադրության մեջ: Ինչպես հաղորդում է Mainichi Daily News-ը, Mistsubishi Electric ընկերությունը Sharp ընկերության հետ համատեղ առաջին անգամ հանրությանն են ներկայացրել հսկայական OLED(Organic light-emitting diode) TV 155″(մոտավորապես 4 մետր) անկյունագծով էկրանով: Նշենք որ ի տարբերություն  Sony և Samsung ընկերությունների օրգանական լուսադիոդների հիմքի վրա արտադրած դիսփլեյների, Mistsubishi ընկերության ստեղծած նախատիպը կազմված է ոչ թե մեկ մոնոլիտ բլոկից, այլ 720 օրգանական լուսադիոդների բլոկներից: Ամեն մի բլոկի մակերեսը կազմում է 10սմ քառակուսի, բայց դրանց չափսերը կարելի է փոփոխել անհրաժեշտության դեպքում: Եթե հավատանք ճապոնացիներին, այս հսկայի պայծառությունը 10 անգամ գերազանցում է սովորական LCD TV-ների համապատասխան ցուցանիշը: Հայտարարված է, որ այս հսկան իր տեղը պետք է գտնի բացօթյա հանրային վայրերում, սակայն հայտնի չէ, թե ինչպես եղանակային պայմանները կանդրադառնան լուսադիոդների կյանքի տևողության վրա:

Պիտակներ:
1 մեկնաբանություն »

Google -ը լավագույն գործարանային ապրանքանիշ!

IT նորություններ | Հեղինակ Davit Avetisyan
Oct 05 2009

Ըստ <<Միլվարդ բրաոն օփթիմերի>> հաղորդած վերջին տվյալների համաձայն` 100 մլրդ դոլար գնահատված Google ընկերությունը, ճանաչվել է որպես լավագույն գործարանային ապրանքանիշ: Արդեն երեք տարի անընդմեջ այս ընկերությունը գտնվում էր առաջին հորիզոնականում: Այս գնահատականը ստացվել է ապրանքանիշի դոլարային գնի և սպառողների կարծիքներ հետազոտման արդյունքում:
Երկրորդ տեղն է գրավում Microsoft ընկերությունը` 76 մլրդ դոլար արժողությամբ, իսկ երրորդ հորիզոնականում է 67 մլրդ դոլար գնահատված <<Կոկա Կոլա>> ընկերությունը: Վերոնշյալ սյունակը շարուն ակում է IBM-ը` գրավելով չորրորդ հորիզոնականը, վեցերորդ տեղում Apple-ն է, իսկ ութերորդում` General Electric-ը:

Պիտակներ: ,
3 մեկնաբանություն »

Ձեր համակարգիչը միայն ձեր աչքի համար

IT նորություններ | Հեղինակ Vard
Oct 04 2009

Ձեր համակարգիչը միայն ձեր աչքի համար Ամերիկայի լաբորատորիաներից մեկը ստեղծել է մի ծրագիր, որը սպառողի աչքի շարժումները ճանաչելով, անծանոթ մարդկանց արգելում է տեսնել էկրանի վրա եղած տեքստի բովանդակությունը: Տեքստը նշմարելի է միայն համակարգչի տիրոջ համար և ուրիշ ոչ ոք չի կարող տեսնել այն: Chameleon-ը մի ամբողջական ֆոտոխցիկ է` միացված յուրահատուկ դյուրակիր համակարգչի վրա, որը ընդունակ է 15 վայրկյանի ընթացքում քննել համակարգչի տիրոջ աչքի շարժումները և գրանցել համապատասխան տեղեկությունները: Երբ սպառողը զբաղված է լինում որևէ տեքստի ընթերցմամբ, և մեկ այլ անձնավորություն նայում է այդ տեքստին, ծրագիրը սկսում է գործարկվել: Այն փոփոխության է ենթարկում տեքստի գրվածքները, այնպես որ անծանոթ մարդը չի կարողանում այն ընթերցել:

Պիտակներ: ,
9 մեկնաբանություն »

IT Club Meeting #3

IT նորություններ | Հեղինակ Vard
Sep 24 2009

25.09.2009թ. ժ.19:00-ին “Բրիջ” ակումբում(Խանջյան 41) տեղի կունենա IT Club Meeting #3:

Հանդիպման ժամանակ կքնարկվեն հետևյալ թեմաները’
1 Էլէկտրոնային կոմերցիա

2. Նորաստեղծ IT ընկերությունների ֆինանսավորման աղբյուրների մասին՝ Seed, Angel, VC (Venture Capitalists) ներդրողների կողմից

3.CAPS Ծրագրի մասին

4.ՏՏ(Տեղեկատվական Տեխնոլոգիաներ) Աուդիտ և ՏՏ վերահսկողություն

Ասենք նաև, որ կարճ ժամանակահատվածում այս հանդիպումները ուշադրության են արժանացել թե կաոավարության և թե Հայաստանում գործող IT(Information technology) ոլորտի ընկերությունների կողմից:

Մասնակցության համար պետք է e-mail ուղարկել itclubmeeting@gmail.com հասցեին:
Ուղարկել ԱՆՈՒՆ ԱԶԳԱՆՈՒՆ
Subject-ում նշելով Meeting #3:

Մուտքն ազատ է:

Պիտակներ: ,
3 մեկնաբանություն »

DigiTec Expo 2009

IT նորություններ | Հեղինակ Vard
Sep 22 2009

DigiTec expo 2009

Հոկտեմբերի 2-4 Կարեն Դեմիրճյանի անվան Մարզահամերգային Համալիրում տեղի է ունենալու 5-րդ ամենամյա DigiTec Expo 2009 ցուցահանդեսը: Այդ ցուցահանդեսին կմասնակցեն մոտ 50 մասնակից-ընկերություն և մոտ11-12 հազար այցելու:
Միջոցառման շրջանակներում նախատեսվում է անցկացնել կոնֆերանս, որի ընթացքում կքննարկվեն էլեկտրոնային կառավարմանը, նորաստեղծ (Start-up) ընկերությունների ֆորումին վերաբերող հարցեր, կանցկացվի նաև ռոբոտաշինության (Armrobotics) բաց առաջնություն:
Կքննարկվեն այնպիսի նախագծեր, ինչպիսիք են <<Համակարգիչ բոլորի համար>> նախագիծը, ինչպես նաև Հայաստանում ինտերնետ-ծառայությունների մատուցան աշխարհագրական ընդլայնմանը վերաբերող հարցեր և այլն:
Կանցկացվեն նաև ավանդական սեմինարներ տեխնոլոգիական նորությունների վերաբերյալ և խաղարկություններ:
Այս տարի DigiTec-ի շրջանակներում կգործի GameZone, որտեղ երիտասարդության ներկայացուցիչները կկարողանան ծանոթանալ վերջին խաղային որոշումների հետ, փորձարկել այն, մրցակցել միմյանց հետ:

Պիտակներ: , ,
4 մեկնաբանություն »